Datu orria
UNITATEAREN DESKRIBAPENA:
Jolasak ikasle guztien bizitzaren parte dira, txikitatik jolasen bidez dibertitzen dira, harremanak eratzen dituzte eta ikasten dute. Jolas ezberdin asko ezagutzen dituzte, hala ere, batzuk guztiz ezezagunak zaizkie jada modan ez daudelako eta teknologiak berriak jolasen munduan pisu asko hartu dutelako.
Unitate honetan ezagutzen duten zerbaiten inguruan debatituz, iritzi eta ezagutzak partekatuz eta Altzako bizilagunen esperientzia eta kontakizunei entzunez curriculumeko oinarrizko konpetentziak garatuko dituzte, bizikidetzan ikasiz eta besteekin ezagutzak partekatuz.
Beraz, beraien bizitzan hainbeste pisua duten jolasen inguruko hausnarketa bultzatuko dugu unitate honetan.
Unitate honetan ikasleen aurre ezagutza eta esperientzietatik abiatuz, auzoko bizilagunek jolasten zituzten jolasen munduan murgilduko gara, Altzako auzokideen kontakizunak entzunez, gelakideekin jakintzak partekatuz eta elkarrekin informazioa debatituz. Ondoren, erronka nagusi bat gauzatuko dute. Erronka unitateko ataza ezberdinetan landu dutena buruan izanik, nahiago dituzten hiru jolas tradizionalen inguruko ikerketa egitea izango da. Horretarako beharrezkoak izango diren oinarri guztiak ataza ezberdinetan aurkituko dituzte, azken erronka aurkezteko fitxa betegarri bat deskargatzeko aukera izango dute eta jolas ezberdinak biltzen dituen txosten bat eskuragarri izango dute ere.
Nahiz eta jolasen gaiaren edukiak landuko diren, helburua ez da eduki horiek barneratzea edo buruz ikastea izango, ikasleek norbere ezagutzak partekatzea eta elkarrekin kolektiboki eraikitzea izango baita garrantzitsuena. Izan ere, pertsona guztiok gaiaren inguruko ezagutzak ditugu eta horiek elkarlotuz, informazio berria ulertuz, kideekin partekatuz eta debatituz iraganeko jolasak eta jolas berriak guztion artean partekatu eta ezagutzea da unitatearen helburu nagusia.
Izenburua | Jolasak Altzan |
---|---|
Ataza kopurua | 8 |
Maila / Zikloa | Gaia egokitu eta sakontasun ezberdinarekin landu daitekenez, Lehen Hezkuntzako hiru ziklotan landu daiteke. Hala ere unitate hau 1 edo 2 zikloan lantzea gomendatzen da. |
Azken erronka | Ikasleen jolas ezberdinen inguruan ikerketa bat gauzatuko dute |
Saio kopurua | 7-1/2 |
Baliabideak eta IKT tresnak | Ordenagailua eta internet sarea. |